Шойччан лунъясӧ ветлім Маршак нима челядь библиотекаӧ, босьтім Егорлы книга лыддьыны. Аминь тай радейтӧ кывзыны водӧм водзас мойдъястӧ. Книгаыс шусьӧ "Недотепское королевство", гижӧма Лев Устинов.
Медводдза рытнас лыддим 2 глава. Лыддьӧм бӧрын Ёгор шуӧ, Шань кань пӧ миян царь, а папа король. Мамыс лоӧ королева, сідз кӧ. А ме пӧ слуга! Мися, король да королевалӧн челядьыс - принц да принцесса. Но ладнӧ пӧ, лоа принцӧн, а слугаыс миян ыджыд мам да ыджыд бать! Но, мыйла нӧ? Сы вӧсна, пӧ, мый найӧ миянлы век вайӧны сёян, то яй, то картупель!
Вот тадз, ыджыд мам да ыджыд бать! Кутанныд тӧдны, кыдз миянӧс во гӧгӧр чӧж градвыв пуктасӧн вердны!
Комментариев нет:
Отправить комментарий