8 места, кытчӧ позьӧ ветлыны челядькӧд ноябр тӧлысьын.

Менам эм ӧти зэв ыджыд проблема  - ме некор ог вермы запомнитны, кӧні мый мунӧ, кутшӧм спектакль-концерт. Но, шуанныд, аддзис тай мытшӧд, гиж бумаг вылӧ дай всё. Да бумагыс менам век вошӧ, блокнот век кӧнкӧ абу син улын. Та вӧсна тӧрыт пукышті интернетын, чукӧрті быдсяма юӧр да сюйи телепонӧ календарӧ, кӧні мый да кор кутас мунны. А сэсся и татчӧ гижа.

Внимание! Пӧшти ставыс нуӧдсьӧ челядьлы, шойччан лунъясӧ!

1. Коми республикаса  национальнӧй музей ноябр 4-ӧд лунӧ нуӧдӧ дон босьттӧг интерактивнӧй экскурсия "Богатыри древнего Синдора", а сідз жӧ сэні петкӧдласны мультфильм "Йиркап". Пырны позьӧ 12 часын, 14 да 16 часын. Коммунистическӧй улича, 6-ӧд керка. Ноябр 5-ӧд лунӧ сійӧ жӧ национальнӧй музейыс корӧ вӧр-ва юкӧнӧ некымын интерактивнӧй экскурсия вылӧ. История юкӧнын тӧлысь чӧж позяс ветлыны "Занимательная археология" интерактивнӧй экскурсия  вылӧ, челядь вермасны сэні нуӧдны раскопкаяс, аддзыны важся экспонатъяс, пасьтавлыны воинлысь шлем да уна мукӧдтор.

2. В. Савин нима драма театр ноябр 6-ӧд лунӧ нуӧдӧ "Вождь краснокожих" челядьлы спектакль. Заводитчӧ 11 часын. 27-ӧд лунӧ тайӧ жӧ театрас петкӧдласны ичӧт челядьлы спектакль "Малыш и карлсон".

3. Ноябр 6-ӧд лунӧ тшӧтш 11 часын опера да балет театрын кутас мунны челядьлы мюзикл "Детектив в стиле рок-н-рэпка". Ноябр 20-ӧд лунӧ петкӧдласны музикл "Золотой цыпленок", а 27-ӧд лунӧ позяс видзӧдны мюзикл "Кот в сапогах". Ставыс заводитчӧ 11 часын.

4. Ноябр 12-ӧд лунӧ филармонияын петкӧдласны литературно-музыкальнӧй композиция "Кошкин дом".

5. А мӧд луннас, вӧскресенньӧ, искусствояс гимназияын позьӧ видзӧдны "Ордым" студиялысь "Ура! Ура! Я в цирк иду!" петкӧдчӧм. Позьӧ видзӧдны и мукӧд лунъясӧ - 15-ӧд да 16-ӧд.

6. 25-ӧд лунӧ быть ло ветлыны карса "Коми КВН" вылӧ. Локтасны и скӧрӧдумсаяс! Пектӧдчӧмсӧ позяс видзӧдны "Октябрь" кинотеатрын 17 чассянь.

7. Шылада-драма театр петкӧдлас "Бедьпи" ("Верешок") мойд ноябр 29-ӧд лунӧ.

8. "Буратино" акань театр (Дворец творчества детей и учащейся молодежи) кутас петкӧдлыны быд вӧскресенньӧ мойдъяс. Некор на сэтчӧ эг ветлӧй, но висьталӧм серти, зэав интереснӧ овлӧ. Колӧ коркӧ ветлыны!

А гашкӧ, ті ещӧ тӧданныд, кытчӧ позьӧ ветлыны челядькӧд тайӧ тӧлысьнас? Гижӧй комментарийяс, юксьӧй!