Кнопкаяс юксьыны!

Коркӧ тулыснас пӧдруга гижис меным, мый менсьым блог лыддигӧн сылы окота юксьыны гижӧднас Вконтакте-ын. Но абу пӧ окота копируйтны ссылкасӧ, сэсся пырны Вконтакте-ас, сэсся ссылкасӧ сэні гижны. Вель дыр пӧ тайӧ вӧчсьӧ, а меным пӧ окота ӧти кликӧн юксьыны. Вель дыр сэки корсьыси, кыдзи тайӧс вӧчны. А талун артмис!

Вӧчсьӧ збыльысь зэв кокниа. Медводз колӧ уберитны соцсетьлысь кнопкаяссӧ, коді миян эм нин. Колӧ пырны блоглӧн настройкаясӧ, "Шаблон" - "Изменить HTML". Воссяс кодъяслӧн текст. CTRL да F кнопкаяс личкыштӧмӧн корсям текстысь кывъяс post-share-buttons

Тайӧ кывъясыс неыджыд текстлӧн кусӧк.

Со кутшӧм кусӧкыс

<!-- <div class='post-share-buttons goog-inline-block'>
< b:if cond='data:post.sharePostUrl'>
< b:include data='post' name='shareButtons'/>
< /b:if>
< /div>-->

Босьтам дай чышкам тайӧ текстсӧ.

Личкыштам Просмотр, видзӧдлам, ставыс-ӧ бур, сэсся личкыштам Сохранить.

Важ юксян кнопкаяс вошисны.

А вот ӧні позьӧ содтыны выль, мича да сӧмын колана кнопка. Кнопкаясӧ ме босьті http://share.pluso.ru/ сайт вылысь. Сэні позьӧ бӧрйыны любӧй соцсеть, кнопкаяссӧ водсӧн ли сувтсӧн пуктыны асланым блогӧ, гӧгрӧс ли квадратнӧй кнопка колӧ.

 Копируйтам кодсӧ.

Та бӧрын восьтам вкладка Дизайн, веськыдладорас аддзам Добавить гаджет. Личкыштам HTML/Java script и содтам сэтчӧ копируйтӧм код.

Гаджетсӧ мышкаӧн позьӧ кыскыны улӧ, бокӧ, вылӧ - кыдз окота тіянлы.

Гижӧй, юксьӧй!