Вуджӧдны блог

Меным окота вӧчны блог, кодӧс окотапырысь кутас лыддьыны уна йӧз. Та вӧсна заводиті содтавны ӧттор-мӧдтор, медым блогӧс мичмӧдны. Казялі, мый позьӧ сувтӧдны вуджӧдчан функция - медым гижӧдсӧ вуджӧдны мӧд кыв вылӧ. Дерт, ме зэв ӧдйӧ видлі пуктыны вуджӧдчысьсӧ аслам блогӧ.

А мый? Гашкӧ, роч мортлы окота тӧдны, мый йылысь ме гижа? Или удмурт-татар-мукӧд кывъя мортлы? А комитӧ оз на и гӧгӧрвоны. Дерт, позьӧ вӧчны тадз - гижны медводз комиӧн, сэсся рочӧн, и лоӧ кык гижӧд блогын. Но ӧти-кӧ, тайӧ босьтас кад, а мӧд кӧ, ме зэв дыш морт.

Та вӧсна ме чайті - пукта вуджӧдчысьсӧ и вермас менӧ лыддьыны быдӧн.
Но и мый, мый вуджӧдӧмыс лоӧ машиннӧй, а оз мича гижӧд ло. Он на тай босьт, вӧлӧм! Коми кывйыс переводчикас абу. Оз вуджӧд комисянь рочыд вылӧ. Вот тадз...